'ഇവനെ പടച്ചു വിട്ട കടവുള്ക്ക് പത്തിൽ പത്ത്';രംഗണ്ണൻ തരംഗത്തിൽ കോടികള്നല്കി തമിഴ്നാടുംകർണാടകയും

ഫഹദ് ഫാസിലിന്റെ കരിയർ ബെസ്റ്റ് സിനിമകളിൽ അടയാളപ്പെടുത്താൻ സാധിക്കുന്ന സിനിമയായി മാറിയിരിക്കുകയാണ് ആവേശം. ജിതു മാധവന്റെ സംവിധാനത്തിലൊരുങ്ങിയ ചിത്രം 100 കോടി കടന്നിട്ടും ഹൗസ് ഫുള്ളോടെ മുന്നേറുകയാണ്. 20 ദിവസം പിന്നിടുമ്പോൾ ചിത്രം 70 കോടിയാണ് ഇന്ത്യയിൽ നിന്ന് മാത്രം സ്വന്തമാക്കിയിരിക്കുന്നത്.

കർണാടകയിലും തമിഴ്നാട്ടിലും ചിത്രത്തിന് മികച്ച സ്വീകാര്യതയാണ് ലഭിക്കുന്നത്. തമിഴ്നാട്ടിൽ നിന്ന് ചിത്രം ഇതിനോടകം ഏഴു കോടിയിലധികം സ്വന്തമാക്കിയിട്ടുണ്ട്. കർണാടകയിലും ചിത്രം ഏഴു കോടി 27 ലക്ഷം രൂപ നേടിയിട്ടുണ്ട്. ആഗോളതലത്തിൽ 128 കോടി കടന്നിരിക്കുകയാണ് ചിത്രം.

'ബോഡി ഷെയ്മിംഗ് വിഷമിപ്പിക്കുന്നു'; അസുഖ ബാധിതയാണെന്ന് തുറന്നു പറഞ്ഞ് അന്ന രാജന്

സിനിമയിലെ പാട്ടുകൾ ഒരു ഭാഗത്ത് ട്രെൻഡാകുമ്പോൾ രംഗയുടെ സ്റ്റൈലും എടാ മോനേ എന്ന ഡയലോഗുമാണ് മറ്റോരു വശത്ത് വൈറലാകുന്നത്. വിഷു റിലീസായാണ് ആവേശം തിയേറ്ററുകളിലെത്തിയത്. സുഷിന് ശ്യാമാണ് ആവേശത്തിന്റെ സംഗീതം നിര്വഹിച്ചത്. അതേസമയം, ജിതു മാധവന് ചിത്രം കേരളാ ബോക്സ് ഓഫീസിലും പുതു റെക്കോർഡുകൾ സൃഷ്ടിക്കുകയാണ്. ആഗോളതലത്തില് ആവേശം അഞ്ച് ദിവസം കൊണ്ടാണ് 100 കോടി ക്ലബില് ഇടം നേടിയത്.